Коррупцияга қарши ишонч телефони
“Digital inclusion” тамойили асосида жойларда семинар тренинглар ташкил этилмоқда
Бугун, 16-сентябрь куни “Digital inclusion” (рақамли инклюзивлик) тамойили доирасида, my.gov.uz порталининг инклюзивлигини ошириш ҳамда ногиронлиги бор шахслар учун янада қулай қилишга бағишланган муҳим семинар-тренинг бўлиб ўтди. Бу Ўзбекистоннинг рақамли хизматларидан фойдаланишда ҳеч ким ортда қолмаслигини таъминлашга қаратилган кенг кўламли ҳаракатлардан биридир.
Тадбир давомида иштирокчилар my.gov.uz порталидаги инклюзив функциялардан қандай фойдаланиш бўйича амалий кўникмаларга эга бўлишди. Шунингдек, давлат бошқаруви жараёнларида онлайн иштирок этиш имконини берувчи “электрон иштирок” механизмлари билан ҳам таништирилди. Бу эса ижтимоий ҳимояга муҳтож аҳолининг давлат хизматларига янада фаол жалб этилишига хизмат қилади.
Семинар якунида иштирокчилар портални янада такомиллаштириш бўйича ўз таклифларини билдиришди. Бу каби таклифлар келгусида порталнинг инклюзивлигини ошириш ва янада қулай муҳит яратиш мақсадида инобатга олинади.
