My.gov.uz да ҳеч қандай ташриф ва ҳужжат талаб қилмайдиган хизматлар сони ошди

Бунда аҳолининг ҳаётий вазиятларда энг кўп дуч келган муаммолари ўрганилди. Уларнинг талаб ва таклифлари инобатга олинди. Дунё тажрибасига таянилди...

Ягона интерактив давлат хизматлари портали

2022 йил натижалари

• Хизматлар сони 368 тага етказилди.
• 158 та хизмат мобил иловадан ўрин олди.
• Фуқаролардан 70 дан ортиқ ҳужжат ва маълумотлар талаби бекор қилинди.
• 38 турдаги хизматда Электрон рақамли имзо сўралмайдиган бўлди.
• “Anor mobile” мобил иловасида 7 турдаги, “QUANT” мобил иловасида 5 турдаги электрон давлат хизмати йўлга қўйилди.
• 12 млн.дан зиёд онлайн фойдаланишлар ортидан фуқароларнинг 36 млрд. сўмдан ортиқ маблағи тежалди.

2022 йил янги ишга тушган оммабоп хизматлар ва улардан фойдаланиш кўрсаткичи:

• Чет тилини билиш даражаси – 105 мингдан зиёд;
• Автотранспорт бошқарувига ишончнома – 58 мингдан зиёд;
• Мактаб шаҳодатномаси дубликати – 24 мингдан зиёд;
• Ер участкаларини хусусийлаштириш – 24 мингдан зиёд;
• “Ижтимоий ҳимоя ягона реестри” га кириш – 16 мингдан зиёд аризалар;

2022 йилда энг оммалашган хизматлар ва улардан фойдаланиш кўрсаткичи:

• Болани “боғча”га жойлаштириш – 333 мингдан зиёд;
• Кадастр паспортини шакллантириш – 135 мингдан зиёд;
• Маълумотларни Ташқи савдо операциялари ахборот тизимига киритиш – 128 мингдан зиёд (юридик шахслар учун);
• Автотранспорт ойналари тусини ўзгартириш – 110 мингдан зиёд;
• Автотранспортда йўловчиларни ва юкларни халқаро йўналишлар бўйича ташишга лицензия – 81 мингдан зиёд (юридик шахслар учун).

Жорий йил Ягона порталда ҳеч қандай ташриф ва ҳужжат талаб қилмайдиган ижтимоий аҳамиятга эга электрон хизматлар сони кўпайди.

Оила ва болалар

1. Болани давлат мактабгача таълим муассасасига жойлаштириш учун ариза бериш
2. Оила маълумотларини таҳрирлаш учун ариза юбориш
3. Болаларни давлат мактабгача таълим муассасасига қабул қилиш навбатини текшириш

Ижтимоий ҳимоя

1. Нафақа тайинлаш учун ариза бериш ();
2. Ипотека кредитига Давлат субсидиясини олишга ариза бериш;
3. Кам таъминланган деб эътироф этилган оила тўғрисида маълумотнома.

Ёшлар ва таълим

1. Халқаро IT-сертификатларини олиш ҳамда ўқиш харажатларининг 50 фоизгача бўлган қисмини қоплаб бериш;
2. “Бир миллион дастурчи” лойиҳаси доирасида ўқув курсларини муваффақиятли тугатган ёшларга, шунингдек, IT-парк резидентининг ўқувчиси ёки битирувчиси бўлган ёшларга компьютер харид қилиш бўйича истеъмол кредити фоизларини қоплаб бериш );
3. Халқаро имтиҳон тизимлари бўйича имтиҳон топшириш харажатларини қоплаб беришга ариза юбориш.

My.gov.uz дан фойдаланишда давом этинг!

Энди у янада осон, тез ва қулай!