Электрон ҳукумат соҳасида халқаро ҳамкорликЭлектрон ҳукумат соҳасидаги халқаро ҳамкорликни ривожлантириш электрон ҳукумат лойиҳаларини бошқариш марказининг устувор йўналишларидан биридир.Марказ билан ўзаро ҳамкорлик қилувчи ҳалқаро ташкилотлар:БМТнинг Иқтисодий ва ижтимоий масалалар бўйича департаменти (United Nations Department of Economic and Social Affairs)<a href="https://www.un.org/en/desa">https://www.un.org/en/desa</a>Халқаро электралоқа иттифоқи (International Telecommunication Union)<a href="https://www.itu.int/ru/Pages/default.aspx">https://www.itu.int/ru/Pages/default.aspx</a>Хорижий шериклар:Давлат рақамли ҳизматлари марказлари, Буюк Британия (Government Digital Service)Электрон бошқарув академияси, Эстония (e-Governance Academy)<a href="https://ega.ee/ru/">https://ega.ee/ru/</a>&nbsp;Ахборот жамияти миллий агентлиги, Корея Республикаси (National Information Society Agency)&nbsp;<a href="https://eng.nia.or.kr/site/nia_eng/main.do">https://eng.nia.or.kr/site/nia_eng/main.do</a>Электрон хизматлар миллий маркази, Беларус Республикаси (НЦЭУ)<a href="https://nces.by/">https://nces.by/</a>«Зерде» миллий инфокоммуникация холдинг, Қозоғистон Республикаси<a href="https://zerde.gov.kz/">https://zerde.gov.kz/</a>Озарбайжон Республикасининг электрон ҳукуматини ривожлантириш маркази<a href="https://www.digital.gov.az/en">https://www.digital.gov.az/en</a>

Электрон ҳукумат соҳасидаги халқаро ҳамкорликни ривожлантириш электрон ҳукумат лойиҳаларини бошқариш марказининг устувор йўналишларидан биридир. Марказнинг халқаро йўналишининг асосий вазифалари қуйидагилардан иборат

Ҳамкорлик

Марказнинг халқаро йўналишининг асосий вазифалари қуйидагилардан иборат:

Халқаро ҳамкорлик

Форумда давлат ва нодавлат ташкилотлар раҳбарлари, халқаро экспертлар, йирик корпорациялар ва жамоатчилик вакиллари иштирок этиб, рақамлаштиришнинг мамлакат тараққиётидаги ўрни, эришилган натижалар ҳамда янги авлод технологиялари асосида келажакка қадам қўйиш масалаларини муҳокама қилишди.Сўнгги йилларда Ўзбекистонда рақамли ҳукумат соҳасида қатор ишлар амалга оширилди: • Давлат ташкилотларида қоғозбозлик кескин қисқартирилди, бюрократик тўсиқлар бартараф этилди. • Маълумотлар базалари стандартлаштирилиб, идоралар ахборот тизимлари ўзаро интеграция қилинди. • Ягона интерактив давлат хизматлари портали (my.gov.uz) орқали кўрсатилаётган хизматлар сони 780 тага яқинлашди. • OneID тизимига 765 дан ортиқ ахборот тизимлари уланди, фуқароларнинг вақт сарфи 90 фоизгача камайди. • Давлат хизматлари очиқ API орқали хусусий иловаларга интеграция қилинди. • Бугунги кунда 150 дан зиёд хусусий платформа орқали давлат органлари маълумотларидан 130 миллион маротаба фойдаланилди. • “Ўзбекистон — 2030” стратегияси доирасида “Рақамли ҳукумат” дастури бўйича жорий йилда 60 дан ортиқ устувор лойиҳа амалга оширилиши режалаштирилган, уларнинг 30 таси ишга туширилди.2030 йилга қадар барча давлат хизматларини тўлиқ онлайн шаклга ўтказиш, 2027 йил охирига қадар 40 га яқин проактив ва композит хизматларни жорий этиш режалаштирилган.Шу билан бирга, қуйидаги технологиялардан самарали фойдаланиш кўзда тутилмоқда: • Сунъий интеллект ёрдамида мурожаатларга жавоб бериш вақти 30–40 фоизга қисқартирилади. • Blokcheyn технологияси орқали ҳужжатлар ишончлилиги оширилади. • Smart City ва Green Tashkent лойиҳалари орқали шаҳар инфратузилмаси барқарор ривожлантирилади.Форум доирасида Рақамли ҳукуматнинг янги авлод модели тақдим этилди. Шунингдек, Адлия вазирлиги, Олий таълим, фан ва инновациялар вазирлиги, Тошкент шаҳар ҳокимлиги ҳамда “Алоқабанк” вакиллари рақамли трансформация натижаларини маълум қилишди.Халқаро экспертлар ҳам ўз тажрибалари билан ўртоқлашишди. Сунъий интеллект, блокчейн, big data каби илғор технологияларни жорий этиш бўйича истиқболли режалар муҳокама қилинди.Форум якунида рақамлаштиришда юқори натижаларга эришган давлат идоралари турли номинациялар бўйича тақдирланди.

ICTWeek Uzbekistan 2025 ҳафталиги доирасида “ Рақамлаштириш — трансформация драйвери: ғоялардан ақлли ечимларга” форуми бўлиб ўтди. Тадбир Рақамли ҳукумат лойиҳаларини бошқариш маркази томонидан ташкил этилди.

Ўзбекистоннинг рақамли трансформация тажрибаси тақдим этилди

Учрашувда Ягона интерактив давлат хизматлари портали (my.gov.uz) орқали кўрсатилаётган оммабоп рақамли хизматлар, улардан фойдаланиш тартиби, OneID тизими ва Рақамли ҳукумат маълумотларни қайта ишлаш маркази фаолияти таништирилди.Ўзбекистон ва Чеонгджу университети рақамли трансформацияни жадаллаштириш бўйича учта асосий ҳамкорлик йўналишини белгилаб олди:<ul><li style="text-align:justify;">Давлат хизматчилари учун рақамли имкониятларни ошириш (мослаштирилган ўқув дастурлари орқали).</li><li style="text-align:justify;">"Ақлли шаҳар" ташаббусларини илгари суриш (қўшма консалтинг ва платформа ишлаб чиқиш орқали).</li><li style="text-align:justify;">Оммавий маълумотлар ва AI таҳлилида инновацияларни рағбатлантириш (ҳамкорликдаги тадқиқотлар орқали).</li></ul>Ушбу ҳамкорлик рақамли бошқарувни мустаҳкамлаш ва давлат хизматларини яхшилашга қаратилган. Университет вице-президенти Ўзбекистоннинг рақамлаштириш соҳасидаги ютуқларини юқори баҳолади.Учрашув якунида томонлар ахборот технологиялари соҳасида узоқ муддатли, самарали ва ўзаро манфаатли ҳамкорликни йўлга қўйиш мақсадида қўшма лойиҳа ва тадбирларни муҳокама қилдилар.

Бугун, 23-июл куни Рақамли ҳукумат лойиҳаларини бошқариш марказида Жанубий Кореянинг нуфузли Чеонгджу университети вакиллари билан муҳим учрашув бўлиб ўтди. Унда университет вице-президенти Янг Си Ҳонг бошчилигидаги делегация ҳамда Марказ ходимлари иштирок этишди.

Рақамли ҳукуматни ривожлантиришда янги халқаро ҳамкорлик: Кореянинг Чеонгжу университети билан учрашув

Асосий мақсади рақамлаштириш шароитида рақобат сиёсатини ривожлантириш, истеъмолчилар ҳуқуқларини ҳимоя қилиш ва давлат бошқарувида илғор рақамли технологияларни жорий этишдан иборатдир. Мазкур ҳамкорлик рақамли бозорларни ўрганиш ва норматив-ҳуқуқий базани такомиллаштиришга ҳам хизмат қилади.Ҳамкорликнинг асосий йўналишлари рақамли платформалар, илғор технологиялар (масалан, Big Data, Сунъий интеллект) ёрдамида жараёнларни такомиллаштириш, мурожаатларни автоматлаштириш ва рақамли ечимлар орқали хабардорликни оширишдир. Шунингдек, тегишли соҳаларнинг рақамли трансформация таъсирини таҳлил қилиб, қўшма тадқиқотлар ўтказиш ҳамда билим ва тажриба алмашинувларини ташкил этишдан иборат.Мазкур ҳамкорлик Ўзбекистонда рақамли хизматлар сифатини ошириш, адолатли рақобат муҳитини мустаҳкамлаш, истеъмолчилар манфаатларини ҳимоя қилишга катта ҳисса қўшади.

Бугун, 17-июл куни Рақамли ҳукумат лойиҳаларини бошқариш маркази директори Анвар Мансуров ҳамда Рақобат сиёсати ва истеъмолчилар ҳуқуқлари тадқиқотлари маркази директори Олимжон Жумаев ўртасида англашув меморандуми имзоланди.

Рақамли ҳукумат ва рақобатни ривожлантиришда янги босқич: Англашув меморандуми имзоланди

Форум 23–25 июн кунлари Самарқанд шаҳрида бўлиб ўтади ва Европа, Осиё, Лотин Америкаси ва Африкадан, жумладан Самоа ва Бутан каби кичик давлатлардан рекорд миқдорда вазирлар ва давлат хизматига масъул органлар раҳбарларини бирлаштиради. Шунингдек, халқаро ва минтақавий ташкилотлар, илмий доиралар, фуқаролик жамияти, хусусий сектор вакиллари ва инновация етакчилари ҳам иштирок этмоқда.&nbsp;"2030 йилгача беш йил: Барқарор келажак учун давлат хизматларини кўрсатишни жадаллаштириш" мавзусида ўтказилаётган форум дастуридан ялпи мажлислар, мавзули муҳокамалар, стратегик мулоқотлар ва&nbsp;&nbsp;илғор амалиётлар тақдимоти бўлиб ўтади. Мақсад – глобал муаммолар ва ўзгарувчан шароитларда давлат хизматининг ролини қайта кўриб чиқиш.Форум БМТ Иқтисодий ва ижтимоий масалалар департаменти (UN DESA), Ўзбекистон Республикаси Рақамли технологиялар вазирлиги, Президент ҳузуридаги Давлат хизматини ривожлантириш агентлиги ва Стратегик ислоҳотлар агентлиги ҳамкорлигида ташкил этилади.Нима учун бу муҳим?Бирлашган Миллатлар Ташкилотининг Барқарор ривожланиш мақсадларига эришишига атиги беш йил қолганида, самарали, инклюзив ва инновацион давлат хизматларига бўлган эҳтиёж тобора долзарб бўлиб бормоқда. Рақамлаштириш, ҳамкорлик ва хизматлардан тенг фойдаланишга эришиш ва “сўнгги миля”даги бўшлиқни камайтиришга ёрдам берадиган янги бошқарув ёндашувларидан фойдаланишга алоҳида эътибор қаратилмоқда.Ўзбекистон мезбон сифатидаБМТ Давлат хизмати форумининг Ўзбекистонда ўтказилиши Президент Шавкат Мирзиёев ташаббуси билан амалга оширилаётган кенг кўламли ва&nbsp;изчил ислоҳотларнинг халқаро миқёсда эътироф этилганидан далолатдир. Улар “Халқ давлат идораларига эмас, давлат идоралари халққа хизмат қилиши керак” деган асосий стратегик тамойилга асосланади. Бундай ёндашув давлат бошқаруви тизимини тубдан ўзгартиришнинг ҳаракатлантирувчи кучига айланди.Ислоҳотлар доирасида мамлакатимизда замонавий рақамли экотизим яратилди. “Рақамли ҳукумат” идоралараро интеграция платформаси 49 та давлат органларининг 390 дан ортиқ веб-хизматларини амалга оширади, уларга ҳар куни 216 дан ортиқ ахборот тизимлари уланади.Ягона интерактив давлат хизматлари портали (my.gov.uz) орқали фуқаролар ва тадбиркорлик субектлари 760 дан ортиқ электрон хизматлардан фойдаланиш имкониятига эга бўлиб, рўйхатдан ўтган фойдаланувчилар сони 11 миллиондан ошди.Қонун ҳужжатлари маълумотлари миллий базасида кенг жамоатчилик ва профессионал ҳуқуқшунослар учун очиқ бўлган сунъий интеллектга асосланган рақамли ёрдамчи муваффақиятли жорий этилди.Ривожланган 208 та Давлат хизматлари марказлари тармоғи республика бўйлаб маъмурий хизматлардан офлайн режимда фойдаланиш имконини беради.Эришилган натижаларнинг халқаро эътирофини рейтинглар ҳам тасдиқлайди: 2024-йилда Ўзбекистон биринчи марта Электрон ҳукуматни ривожлантириш рейтингининг “жуда юқори” даражасига эга мамлакатлар гуруҳига кирди ва GovTech етуклик индексида 37 поғонага кўтарилиб, “А” тоифасига кирди.Рақамли трансформация барча асосий йўналишларни қамраб олади – давлат хизматларидан тортиб электрон молия, финтеч ечимлари, электрон тижорат, фискал маълумотлар таҳлили ва рақамли иқтисодиётнинг бошқа соҳалари.Бу ютуқлар нафақат рақамли етукликнинг юқори даражасидан, балки Ўзбекистон ўз тўплаган тажрибаси билан ўртоқлашишга тайёрлигидан далолат беради. Мамлакат халқаро, жумладан, Осиё ва Африка давлатлари билан ҳамкорликка очиқ.&nbsp;Асосий йўналишларФорум расмий равишда бугун, 23 июн – БМТ Давлат хизмати куни очилди. Муҳим мавзулар:<ul><li style="text-align:justify;">Давлат бошқарувида инновациялар: самарадорлик, шаффофлик ва ҳисобдорликни оширишда рақамли воситалар ва сунъий интеллект роли;</li><li style="text-align:justify;">"Сўнгги миля"га эришиш: барча аҳолига хизматларни кенгайтириш бўйича халқаро тажриба;</li><li style="text-align:justify;">Ислоҳотларни тезлаштириш: инновацион лабораториялар орқали бошқарувни трансформация қилиш.</li></ul>&nbsp;Махсус тадбирлар<ul><li style="text-align:justify;">Рақамли бошқарув, барқарор ривожланиш ва сунъий интеллект бўйича экспертлар билан ялпи мажлислар;</li><li style="text-align:justify;">Давлат бошқаруви ва маълумотлар билан ишлаш бўйича интерактив семинарлар;</li><li style="text-align:justify;">UN DESA томонидан электрон ҳукумат соҳасидаги ютуқлари учун 12&nbsp;давлатни тақдирлаш маросими;</li><li style="text-align:justify;">Ўзбекистоннинг илғор рақамлаштириш лойиҳалари билан таништирувчи ташрифлар.</li></ul>Кутилаётган натижаларФорумда халқаро ҳамкорликни мустаҳкамлаш, айниқса ривожланаётган давлатлар ўртасида тажриба алмашиш ҳамда давлат хизматларидан тенг ва адолатли фойдаланишни рағбатлантиришга қаратилган Самарқанд вазирлар декларацияси муҳокама қилинади.Шунингдек, рақамли давлат бошқаруви (GovTech) соҳасида ечимлар экспортини қўллаб-қувватлаш ва рағбатлантиришга қаратилган дастурни ишга тушириш режалаштирилган.БМТ Давлат Хизмати Форуми ҳақидаФорум 2003 йилдан буён ўтказиб келинмоқда ва унга аввалроқ АҚШ, Австрия, Испания, Танзания, Баҳрайн, Марокаш, Колумбия, Озарбайжон (2019) ва Корея Республикаси (2024) каби давлатлар мезбонлик қилган. Самарқанд келгусида самарали давлат бошқаруви бўйича навбатдаги халқаро мулоқот майдонига айланади.

Ўзбекистон тарихида илк бор давлат бошқаруви соҳасидаги энг йирик халқаро тадбирлардан бири – БМТнинг Давлат Хизмати Форуми (UNPSF 2025) ўтказилмоқда.

Ўзбекистон БМТ Давлат Хизмати Форумига мезбонлик қилмоқда

Бугун, 24 апрель куни Рақамли ҳукумат лойиҳаларини бошқариш марказида Тошкент шаҳридаги Санкт-Петербург давлат университети филиали вакиллари билан учрашув бўлиб ўтди. Унда филиал директори Маҳмуджон Зиядуллаев ҳамда университет талабалари иштирок этишди.Учрашувда марказ вакиллари талабаларга Ягона интерактив давлат хизматлари портали – <a href="https://my.gov.uz/">my.gov.uz </a>орқали кўрсатилаётган рақамли хизматлар, OneID тизими ва рақамли хавфсизлик масалалари бўйича атрофлича маълумот беришди.Талабалар давлат хизматларидан қандай фойдаланиш мумкинлиги, хизматлар учун берилган чегирмалар ва уларнинг амалдаги механизмлари ҳақида қизиқарли маълумотларга эга бўлишди. Шу билан бирга, Дата Марказ фаолияти ва маълумотлар хавфсизлиги борасидаги ечимлар ҳам муҳокама қилинди.Учрашув якунида ахборот технологиялари ва дастурлаш соҳасида кадрлар тайёрлаш бўйича ҳамкорлик меморандуми имзоланди. Унга кўра, томонлар ўзаро манфаатли ва узоқ муддатли шерикликни йўлга қўйиш, малакали мутахассисларни жалб этган ҳолда қўшма лойиҳалар қилиш ва филиал ўқув жараёнини ахборот билан таъминлаш бўйича келишиб олишди.

Рақамли ҳукумат лойиҳаларини бошқариш маркази ҳамда Тошкентдаги олий таълим муассасаси ўртасида ҳамкорлик йўлга қўйилди.

Янги авлод ва рақамли ҳукумат: ҳамкорликка асосланган ёндашув

Учрашувда Ўзбекистоннинг электрон ҳукумат тўғрисидаги қонунчилиги, хусусан, аҳолига давлат хизматларини кўрсатишни соддалаштириш ва идоралараро маълумотлар алмашинувини мувофиқлаштиришга қаратилган масалалар муҳокама қилинди. &nbsp; &nbsp; Шунингдек, “ягона дарча” ёндашуви орқали давлат хизматларини кўрсатиш бўйича амалга оширилаётган ишлар, хусусан, идоралар мустақил равишда зарур ҳужжат ва маълумотларни электрон шаклда тўплаши, бунинг эвазига фуқаролар зиммасидаги юкнинг камайиши ҳақида маълумотлар берилди. Муҳокама қилинган яна бир масалалардан бири – ортиқча маълумот сўраш ҳолатларининг олдини олиш учун идоралар ўртасида узлуксиз ҳамкорликни таъминлашга эришиш бўлди.&nbsp; &nbsp; Жанубий Корея вакиллари Марказнинг фаолияти ва рақамли бошқарувни ривожлантириш борасидаги ютуқлари билан ҳам яқиндан танишди. Ўз ўрнида Чо Хён Хе хоним Ўзбекистоннинг рақамлаштириш соҳасида эришаётган натижаларини юқори баҳолади. &nbsp;Томонлар келгусида икки мамлакат ўртасидаги рақамли ҳукумат соҳасидаги лойиҳаларни ривожлантириш бўйича ҳамкорлик қилишга тайёр эканликларини билдиришди.

Бугун, 28-январ куни Рақамли ҳукумат лойиҳаларини бошқариш марказида Жанубий Кореянинг Ўзбекистондаги элчихонаси биринчи котиби Чо Хён Хе хоним билан учрашув бўлиб ўтди.  

Рақамли ҳукумат марказида Жанубий Корея элчихонаси вакиллари кутиб олинди 

Бугунги кунда статистик маълумотларни йиғиш, қайта ишлаш ва таҳлил қилиш жараёнлари ҳам рақамлаштирилмоқда. Статистика агентлиги бу борада қандай ишларни амалга оширмоқда? Рақамли технологиялар соҳадаги жараёнларни қандай ўзгартирмоқда? Маълумотлар хавфсизлиги ва махфийлиги қандай таъминланмоқда?Шу ва бошқа саволларга Ўзбекистон Республикаси Президенти ҳузуридаги Статистика агентлиги директори ўринбосари Зоҳиджон Зияев билан бўлиб ўтган интервьюмизда жавоб топишингиз мумкин.Зоҳиджон Зияевнинг таъкидлашича, рақамли технологиялар жорий этилиши орқали статистик маълумотларни йиғиш, қайта ишлаш ва таҳлил қилиш жараёнлари сезиларли даражада такомиллашди. Қоғоз сўровномалар ўрнига электрон тизимлар жорий этилиши, мобил қурилмалардан фойдаланиш имконияти яратилиши ва бошқа давлат ташкилотлари билан интеграция ўрнатилиши орқали жараёнлар тезлашмоқда, хатоликлар камаймоқда ва маълумотларнинг аниқлиги ошиб бормоқда.– &nbsp;Фаолиятни рақамлаштиришда агентлик олдида қандай асосий мақсад ва вазифалар турибди?– Соҳада маълумотлар ҳажми кўпайгани сари сифатга бўлган талаб ҳам кучайиши табиий. Классик статистикада илгари қоғоз сўровномалардан фойдаланилган. Жараёнларни оптималлаштиришнинг энг яхши усули рақамлаштиришда фаол қатнашишдир. Расмий статистикани тайёрлаш шартли равишда уч босқичга бўлинди: яъни маълумотларни тўплаш, қайта ишлаш ва уларни фойдаланувчиларга тақдим этиш. Айнан шу йўналишларни рақамлаштириш устувордир. Қолганлари эса улар таркиби сифатида белгиланган.– Маълумотларни йиғиш, қайта ишлаш ва таҳлил қилишда қандай технологиялардан фойдаланилмоқда?– Илгари рақамли статистика қоғоз бланкаларда тўпланган. Ҳозирда рақамли технологиялар туфайли тўплаш уч йўналишда қўлланилмоқда. Улардан бири рақамли ҳисоботлар, бу борада web шаклдаги Estat.uz платформасини жорий қилганмиз. Иккинчи манба сифатида мобил қурилмани жорий қилдик, аввалари ишлатилган кузатув бланкалари ҳозирда планшетларга ўзгартирилган. Бу биринчи навбатда қоғоз сарфини камайтиради, жараённи тезлаштиради ва хатоликларни камайтиради. Сабаби мобил иловалардаги мантиқий назорат тизими механик хатоларни бартараф этишга қаратилган. Учинчи йўналиш бу – маълумотлар базасидан фойдаланиш. Яъни вазирлик ва бошқа давлат ташкилотларининг ҳужжатлаштирилган маълумотларидан статистика шакллантиришда фойдаланишдир. Сўнгги икки йилда 22 тадан ортиқ ташкилот билан интеграция йўлга қўйилган.– Маълумотлар алмашинувида бошқа ташкилотлар билан интеграция қандай йўлга қўйилган?..– Фойдаланувчига маълумот етказиш каналларини кўпайтириш зарур, албатта. Бу борада веб-саҳифа ва платформаларни ишга туширганмиз. Бундан ташқари, икки хил хизмат жорий қилинган: бири расмий статистик маълумотларни сўровга асосан тақдим этиш, яна бири эса корхона ва ташкилот регистридан маълумот олиш. Бу борада айнан Ягона интерактив давлат хизматлари портали (my.gov.uz) билан ҳамкорлик ҳам йўлга қўйилган.– Бугун хавфсизлик масаласи тобора долзарб бўлиб бормоқда. Статистик маълумотларни ҳимоя қилиш ва махфийлигини таъминлаш учун қандай чоралар кўрилади?– Бу энг муҳим масалалардан бири ва кўпчилик респондентларда хавотир уйғотади. Расмий статистик маълумотлар хавфсизлиги қонун асосида белгилаб қўйилган, яъни ҳеч қайси ҳолатда учинчи шахсга, суд-тергов жараёнларига ёки бошқа ҳолатларда тақдим этилиши мумкин эмас. Нормада белгилаб қўйилганки, ушбу маълумотлар фақат расмий статистикани шакллантириш учун ишлатилади. Махфийликни таъминлаш учун маълумотларни тўплашда ҳам, уларни қайта ишлашда ҳам электрон шифрланган рақамлардан фойдаланилади ва субъект рухсатисиз кабинетга ҳеч ким киролмайди. Технологик жараёнларга келсак, барча маълумотлар ва уларнинг нусхалари ҳам алоҳида серверларда, шифрланган ҳолатда сақланади.&nbsp;– Статистика агентлиги ўз фаолиятига катта маълумотлар, машинавий ўрганиш ёки сунъий интеллект каби мураккаб технологиялар интеграциясини ҳам режалаштиряптими?– Ҳозирги кунда барча ташкилотлардаги энг долзарб масалалардан бири – сунъий интеллектни соҳага жорий қилиш. Бу бўйича айнан йўналиш танланиши ва хавфсизлик масаласини ўрганиш керак. Бугун статистик ҳисоботларни тартибга солиш учун Chat bot устида ишлаяпмиз. Ушбу тизимдан бухгалтерлар ўз ҳисоботларида фойдаланишлари мумкин. Ёки расмий статистик маълумот керак бўлганда барча ўз сўровларини кирита олади. Айни пайтда лойиҳа машинавий ўқитиш босқичида, 2025 йилнинг баҳор ойларида иш якунланиб, синов тартибида тақдим этилади.– Давлат идоралари ва корхона ёки аҳоли рақамли статистик маълумотларга қандай кириши мумкин? Бунинг учун махсус платформа ёки хизматлар ишлаб чиқилганми?– Бир неча йил аввал фойдаланувчилар эҳтиёжини ўрганган ҳолда ушбу жараённи рақамлаштиришга эътибор қаратилди. Биринчи навбатда расмий веб саҳифа такомиллаштирилди. Яна маълумотларни тақдим этувчи портал устида иш бошладик, ҳозирги кунда у 3 та тилда ишга туширилган. Унинг қулайлиги фойдаланувчиларга маълумотларни жадвал кўринишида ёки машинавий ўқитишга асосланиб тақдим этишида. Маълумотлар доимий янгиланиб борилади.– Хусусий компания ёки тадқиқот марказларининг маълумотлар сўрови қандай кўриб чиқилади? Бу борада қандай инновацион ечимлар қўлланилади? Ўзи бу турдаги маълумотлар ҳамма учун очиқми?– Ҳозирги кунда фойдаланувчилар асосан расмий веб саҳифа орқали мурожаат қилишяпти. Тавсия қилган бўлардимки, айнан siat.stat.uz платформаси орқали маълумотларни қидириб кўришларини, у ерда 2 800 дан ортиқ маълумотлар базаси мавжуд. Бундан ташқари, улар my.gov.uz портали ёки расмий хат орқали мурожаат қилишлари мумкин. Баъзан мураккаб сўровлар бўлади, бундай вазиятда резидентларни чақириб, аниқлик киритилади. Мурожаатлар ўртача 3 – 7 кун оралиғида кўриб чиқилади, айрим ҳолларда 15 кунгача муддат талаб этилиши мумкин.&nbsp;&nbsp;Интервьюнинг тўлиқ қисмини <a href="https://www.youtube.com/watch?v=maXA2p2TPzk">YouTube платформасида</a> томоша қилишингиз мумкин:<figure class="media"><oembed url="https://www.youtube.com/watch?v=maXA2p2TPzk"></oembed></figure>

Замонавий дунёда ахборот технологиялари жадал ривожланиб, ҳаётимизнинг барча жабҳаларига кириб бормоқда. Давлат бошқаруви ҳам бундан мустасно эмас. Ўзбекистонда рақамли ҳукуматни шакллантириш, давлат хизматларини электронлаштириш ва аҳолига қулайликлар яратиш борасида кенг кўламли ишлар амалга оширилмоқда.

Рақамли трансформация: Статистика соҳасидаги янги имкониятлар

Ушбу нуфузли тадбирда турли мамлакатлар ва ташкилотлар вакиллари рақамли трансформациянинг муҳим жиҳатларини муҳокама қилиш учун бирлашдилар. Ўзбекистон номидан тадбирда Рақамли технологиялар вазирлиги ва Рақамли ҳукумат лойиҳаларини бошқариш маркази ходимлари иштирок этишди.Вакилларимиз Ўзбекистонда рақамли ривожланишнинг эришилган ютуқлари ва истиқболлари ҳақида маълумот бериб, рақамли технологияларни жорий этиш тажрибаси билан ўртоқлашдилар ҳамда электрон ҳукуматга инновацион ёндашувларни муҳокама қилдилар.Сессияда БМТнинг 2024 йилги Электрон ҳукумат тадқиқоти методологияси атрофлича муҳокама қилинди. Бу эса глобал тенденцияларни яхшироқ тушуниш ва келгусида такомиллаштириш йўналишларини белгилаш имконини берди.Шунингдек, тадбир доирасида UN DESA билан Ўзбекистонда рақамли трансформацияни жадаллаштиришга қаратилган қўшма лойиҳаларни амалга оширишни ўз ичига олган ҳамкорлик режаси батафсил кўриб чиқилди.

19-20 ноябрь кунлари Tallinn Digital Sammit доирасида БМТнинг Иқтисодий ва ижтимоий масалалар департаменти (UN DESA) томонидан ташкил этилган "Рақамли трансформация имкониятларини кенгайтириш" мавзусидаги сессия бўлиб ўтди.

Ўзбекистон рақамли трансформация соҳасидаги глобал муҳокамага қўшилди!

Учрашувда бир қатор муҳим йўналишлар бўйича ўзаро ҳамкорлик истиқболлари, жумладан, Рақамли ҳукумат &nbsp;маркази ходимларининг малакасини ошириш масалалари муҳокама қилинди. Томонлар рақамли технологиялар ва лойиҳаларни бошқариш соҳасидаги мутахассислар учун тажриба алмашиш ва ўқув машғулотларини ўтказишга келишиб олдилар. Давлат ва хусусий сектор учун рақамли ечимларни ишлаб чиқиш ҳамда жорий этиш бўйича кадрлар тайёрлаш масаласига алоҳида эътибор қаратилди.Рақамли инфратузилмани такомиллаштириш, жумладан, маълумотлар марказларини модернизация қилиш ва кенгайтириш, булутли технологияларни жорий этиш бўйича ҳамкорликда ишлаш истиқболлари ҳам муҳокама қилинди.Катта маълумотлар ва ахборот хавфсизлиги соҳасида қўшма тадқиқотлар олиб бориш, янги ечимларни ишлаб чиқишга келишиб олинди.Ушбу учрашув Ўзбекистон ва Туркия ўртасида рақамли технологиялар соҳасидаги ҳамкорликни янада мустаҳкамлаш йўлида муҳим қадам бўлди.

Туркиянинг Истанбул шаҳрида бўлиб ўтган Ислом ҳамкорлик ташкилоти Иқтисодий ва савдо ҳамкорлик қўмитасининг (COMCEC) 40-сессияси доирасида Ўзбекистон Рақамли ҳукумат лойиҳаларини бошқариш маркази раҳбари Анвар Мансуров ҳамда Star of Bosphorus маълумотлар маркази раҳбарияти ўртасида учрашув ўтказилди.

Ўзбекистон – Туркия: рақамли технологиялар соҳасидаги ҳамкорлик йўлида муҳим қадам

БМТнинг Осиё-Тинч океани учун иқтисодий ва ижтимоий комиссияси (ESCAP) ҳамда Қозоғистон Рақамли ривожланиш, инновациялар ва аэрокосмик саноат вазирлиги ҳамкорлигида ташкил этилган «Рақамли инклюзия ва трансформация бўйича Осиё-Тинч океани вазирлар конференцияси» минтақада рақамли трансформациянинг долзарб масалаларини муҳокама қилиш учун юқори мартабали вакилларни бир майдонга жамлади.&nbsp; Конференциянинг асосий мақсадларидан бири рақамли технологияларни жамият ва иқтисодиётнинг барча қатламларига кенг жорий этиш, кичик ва ўрта бизнес корхоналарининг рақобатбардошлигини ошириш, давлат хизматларини рақамлаштириш орқали уларнинг сифатини ошириш ва инклюзивликни таъминлашдан иборат.&nbsp; Тадбир доирасида 4 сентябрь куни ўтказилган «Кичик ва ўрта бизнес рақобатбардошлигини ошириш учун рақамли давлат хизматлари» мавзусидаги конференция ҳам алоҳида эътиборга молик бўлди. Мазкур конференцияда БМТ Бош котиби ўринбосари ва ESCAP ижрочи котиби Армида Салциаҳ Алисжаҳбана, Қозоғистон Рақамли ривожланиш, инновациялар ва аэрокосмик саноат вазири Жаслан Мадиев, Қирғизистон Рақамли ривожланиш вазири Нурия Кутнаева, Таиланд Рақамли иқтисодиёт ва жамият вазирлигининг доимий котиби Висит Виситвораат каби бир қатор давлатларнинг юқори мартабали вакиллари иштирок этдилар.&nbsp; Ўзбекистон Республикаси номидан Рақамли ҳукумат лойиҳаларини бошқариш маркази директори Азиз Муҳитдинов мамлакатимизда рақамли ҳукуматни ривожлантириш борасида амалга оширилаётган ишлар, қўлга киритилган ютуқлар ва истиқболдаги режалар ҳақида маъруза қилди. &nbsp; Осиё-Тинч океани вазирлар конференцияси минтақа давлатлари ўртасида рақамли ҳамкорликни янада мустаҳкамлаш, тажриба алмашиш ва биргаликдаги лойиҳаларни амалга ошириш учун янги имкониятлар эшигини очди.

Қозоғистон пойтахти Остона шаҳри жорий йилнинг 3-5 сентябрь кунлари рақамли технологиялар ривожи ва инклюзивлик масалаларига бағишланган нуфузли халқаро анжуманга мезбонлик қилди.

Коррупцияга қарши ишонч телефони

Янгиликлар