Бугун, 28 декабрь куни Ахборот технологиялари ва коммуникацияларини ривожлантириш вазирлиги ҳузуридаги Электрон ҳукумат лойиҳаларини бошқариш марказига Мухитдинов Aзиз Хакимович директор этиб тайинланди.
Муҳитдинов Aзиз Ҳакимович 1985 йил Тошкент шаҳрида таваллуд топган.
Бонч-Бруевич номидаги Санкт-Петербург давлат телекоммуникация технологиялари университетини тамомлаган. Маълумоти олий.
Иқтисод фанлари номзоди. Ўз фаолиятини 2008 – 2012 йилларда «Ўзбектелеком» AКда мутахассис ва бўлим бошлиғи лавозимидан бошлаган.
2012 – 2017 йилларда Aхборот технологиялари ва коммуникацияларини ривожлантириш вазирлигида бўлим бошлиғи ва бошқарма бошлиғи лавозимида ишлаган.
2017-2018 йилларда «UZINFOCOM» ДУК директорининг биринчи ўринбосари, директор вазифасини бажарувчи лавозимларида фаолият юритган.
2018 йилдан шу кунга қадар «UNICON.UZ» ДУК директорининг биринчи ўринбосари лавозимида ишлаб келди.