Apellyasiya kengashlariga my.gov.uz orqali shikoyat qilish mumkin bo‘ladi

Apellyasiya kengashlari shikoyat bo‘yicha quyidagi qarorlardan birini qabul qiladi:

• ma’muriy hujjatni o‘zgartirishsiz o‘z kuchida qoldirish;
• ma’muriy hujjatga o‘zgartirish kiritish bo‘yicha vakolatli organga majburiyat yuklash;
• ma’muriy hujjatni qisman yoki to‘liq bekor qilish hamda vakolatli organ tomonidan davlat xizmatini ko‘rsatish bo‘yicha arizani qayta ko‘rib chiqish.

Apellyasiya kengashlarining qarorlari 3 ish kunidan kechiktirmay “E-qaror” elektron tizimida joylashtiriladi.

Apellyasiya kengashlarining qarorlari tegishli davlat organlari va tashkilotlari uchun majburiy hisoblanadi.

Ma’muriy hujjatini o‘zgartirish, qisman yoki to‘liq bekor qilish haqida qaror qabul qilinganda, davlat xizmatini ko‘rsatish bo‘yicha berilgan ariza YIDXP va (yoki) tegishli tizimda qayta ko‘rib chiqish bosqichiga qaytariladi. Bunda fuqaro davlat xizmatini ko‘rsatish bo‘yicha qayta ariza berish talab etilmaydi.

Yagona interaktiv davlat xizmatlari portalida apellyasiya kengashlarining qarorlarini manfaatdor shaxslarning shaxsiy kabinetiga yuborish imkoni yaratiladi.

Apellyasiya kengashlariga shikoyat qilish ixtiyoriy, bu fuqarolarning bevosita sudga murojaat qilish huquqini cheklamaydi.
 

#Qonunchilikdagi_yangiliklar