Elektron davlat xizmatlaridan foydalanuvchilar soni 3 millionga yetdi
Yil boshidan beri Yagona interaktiv davlat xizmatlari portali (my.gov.uz)da 50 dan ortiq yangi elektron davlat xizmatlari joriy qilinib, umumiy onlayn xizmatlar soni 355 ta bo‘ldi.
Yagona portal foydalanuvchilari soni esa yil avvaliga nisbatan 2,8 barobar, ya’ni qariyb 2 millionga ortib, 3 million nafarga yetdi.
My.gov.uz elektron xizmatlaridan foydalanish ko‘rsatkichi yil boshidan beri 10,9 milliondan ziyodni tashkil etib, bu oflayn tarzda foydalanilganlardan deyarli 2 barobarga ko‘pdir.
My.gov.uz ning mobil ilovasida ham 2022 yilda 50 turdagi yangi onlayn xizmatlar joriy qilinib, ilovadagi elektron davlat xizmatlari soni 156 taga yetkazildi.
«Mobile-ID» tizimi foydalanuvchilari soni 108 mingdan oshib, ularning 40 mingdan ziyodi my.gov.uzning mobil ilovasi orqali va 68 mingdan ortig‘i Davlat xizmatlari markazlari orqali ro‘yxatdan o‘tgan.
2022-yilda my.gov.uz da joriy etilgan ommabop elektron xizmatlar:
- Avtotransport boshqaruvi uchun elektron ishonchnoma olish;
- Pedagogik kadrlarni attestatsiyadan o‘tkazish;
- Chet tilini bilish darajasini aniqlash;
- Yo‘qolgan ashyoning topilmaganligi to‘g‘risida ma’lumotnoma olish;
- Doimiy foydalanish (egalik qilish), ijara va meros qilib qoldiriladigan yer uchastkalarini xususiylashtirish;
- Ko‘chmas mulk buzilishiga tushgan yoki tushmaganligi to‘g‘risida ma’lumotnoma berish;
- O‘rta ta’lim to‘g‘risidagi shahodatnoma dublikatini olish
- «Ijtimoiy himoya yagona reyestri»ga kirish uchun ariza yuborish
- Xalqaro IT-sertifikatlarini olish hamda o‘qish xarajatlarining 50 foizgacha bo‘lgan qismini qoplab berish
- Rasmiy hujjatlarga apostil qo‘yish
- O‘qish davrida yashash, transport, o‘qish xarajatlari uchun subsidiya ajratish uchun ariza yuborish
- Avtotransport vositalarining taqiqini tekshirish va boshqalar.
Portalda chet ellik shaxslar uchun elektron davlat xizmatlari va foydali ma’lumotlar bo‘limi ham yaratilgan.
Xizmatlar ro‘yxatidan:
- Vaqtincha turgan joyi bo‘yicha hisobga qo‘yish
- Elektron raqamli imzo olish
- IMEI ro‘yxatdan o‘tkazish
- Notarius qabuliga yozilish
- Yangi tadbirkorlik sub’yektini ro‘yxatdan o‘tkazish kabi bir qator qulayliklar o‘rin olgan.
2022-yilda aholi eng ko‘p foydalangan elektron davlat xizmatlari:
