Geoportal taqdim etildi

Geoportal orqali mamlakat bo‘ylab 23 000 dan ortiq ijtimoiy ob’yektlar — 11 127 ta maktab, 6 888 ta maktabgacha ta’lim muassasasi, 3 689 ta tibbiyot muassasasi va 879 ta sport inshooti raqamlashtirilgan bo‘lib, platforma doimiy ravishda takomillashib, ushbu ro‘yxat kengayib boradi.

Platforma orqali:

• mamlakatdagi barcha ijtimoiy ob’yektlarning raqamlashtirilgan xaritasini ko‘rish va ularning holatini real vaqtda kuzatish;
• loyihalar qanday amalga oshirilayotganligini monitoring qilish;
• davlat tashkilotlari o‘rtasidagi chora-tadbirlarni muvofiqlashtirish;
• real ma’lumotlar asosida ijtimoiy ob’yektlar tarmog‘ini rivojlantirish bo‘yicha qarorlar qabul qilish;
• shaffoflik va fuqarolar ishtirokini ta’minlash imkoniyati yaratiladi.

Endi har bir fuqaro geoportal orqali:

• yaqin atrofdagi maktab, bog‘cha yoki shifoxonani xarita orqali topishi;
• ob’yektlarning quvvati, holati va muhim infratuzilmaga ulanish darajasini bilib olishi;
• kerakli ob’yektlargacha bo‘lgan masofani hisoblashi;
• demografik va iqlim prognozlarini ko‘rishi;
• hududlarni infratuzilmaning mavjudligi bo‘yicha solishtirishi mumkin.

Eng muhimi, fuqarolar portal orqali ma’lumotlarga o‘zgartirish kiritish orqali vaziyatga ta’sir o‘tkaza olishadi!

2025-yil oktyabrigacha Geoportalda “Toza qo‘llar” dasturi uchun jamoatchilik monitoringi va baholash funksiyasi joriy etiladi.

E’tiborlisi, barcha jarayonlar o‘zbek mutaxassislari tomonidan, grant va kreditlarsiz, ochiq texnologiyalar asosida ishlab chiqilgan.

Geoportal  – Strategik islohotlar agentligi veb-saytida joylashgan, hamma uchun ochiq bo‘ladi! Tez orada OneID orqali to‘liq integratsiya ta’minlanadi.