«Mening uyim» elektron billing tizimi test rejimida ishga tushirildi

Bugungi kunga kelib respublika miqyosida boshqaruv servis kompaniyalari (BSK)ning 285 tasi va uy-joy mulkdorlari shirkatlari (UJMSh)ning 3 502 tasi billing tizimiga ulangan.

Shu bilan birga, 183 ta boshqaruv tashkiloti hamda 1 375 ta UJMShlar “Munis” tizimiga ulangan.

Bundan tashqari, uy-joy mulkdorlari tomonidan majburiy badallarni elektron to‘lov tizimlari orqali onlayn qabul kilinishi tashkil etish maqsadida, 2 031 ta boshqaruv organi (BSK, UJMSh) tomonidan tijorat banklarning elektron to‘lov tizimlari (clic, paynet, upay, payme, apelsin) orqali majburiy badal to‘lovlarni amalga oshirish uchun shartnomalar imzolandi.

Endilikda ko‘p kvartirali uy-joylar to‘g‘risidagi ma’lumotlar bazasi “Mening uyim” elektron billing tizimiga kiritib borilmoqda va hozirda jami abonentlar soni 1, 3 mln tani tashkil qiladi.

Shuningdek, aholiga qulaylik yaratish maqsadida “Mening uyim” mobil ilovasi joriy etilgan.