Nukuslik yurtdoshimiz noutbuk egasiga aylandi!

Shaffof saralash jarayoniga ko‘ra, ko‘plab ishtirokchilar orasidan omad Qoraqalpog‘iston Respublikasining Nukus shahrida istiqomat qiluvchi Adiyma Bazarbaevaga kulib boqdi. U so‘rovnomaning bosh sovrini — zamonaviy noutbukni qo‘lga kiritdi.

Qimmatbaho sovg‘a g‘olibning o‘ziga Markazning hududiy vakili tomonidan tantanali ravishda topshirildi.

Bu kabi loyihalar nafaqat ishtirokchilarning faolligini rag‘batlantiradi, balki ularning raqamli texnologiyalar olamiga bo‘lgan qiziqishini yanada oshiradi.

Raqamli hukumat loyihalarini boshqarish markazi haftalik doirasidagi barcha tadbirlarda faol qatnashgan yurtdoshlarimizga o‘z minnatdorchiligini bildiradi.