Samarqandda davlat xizmatlarining kelajagi muhokama qilinmoqda

Mazkur tadbir BMTning Iqtisodiy va ijtimoiy masalalar departamenti (UN DESA) huzuridagi DPIDG bo‘limi, BMT Elektron hukumat bo‘yicha tadqiqot instituti (UNU-EGOV) hamda O‘zbekiston Respublikasi Raqamli hukumat loyihalarini boshqarish markazi hamkorligida tashkil etildi.

Seminarda quyidagi masalalar muhokama qilindi:

• Sun’iy intellekt (AI), blokcheyn, katta ma’lumotlar (big data) va bulutli texnologiyalar orqali davlat xizmatlarini zamonaviylashtirish;
• Fuqarolar ishtirokini kengaytirish va xizmatlar sifatini oshirish;
• Inson markazidagi dizayn, ishtirokchi yondashuv va axloqiy mezonlarga asoslangan boshqaruv.

Ishtirokchilar ta’kidlashicha, zamonaviy texnologiyalarni joriy etish faqat texnik yangilanish emas — bu, avvalo, fuqarolarning ehtiyojlarini markazga qo‘ygan butunlay yangi davlat xizmatlari modelini shakllantirishdir.